Azərbaycanlı alimlərin hazırladığı quruluş və simulyasiyalar əsasında yeni fotodiodlar hazırlanıb
Bakı, 28 oktyabr, AZƏRTAC
AZTURK-1 qrant çərçivəsində “Həssas fotodiod və bor örtüklü sintilatora əsaslanan yeni termal neytron detektorun hazırlanması” layihəsi üzrə AMEA-nın Radiasiya Problemləri İnstitutunun alimlərinin hazırladığı quruluş və simulyasiyalar əsasında Türkiyənin Bolu Abant İzzet Baysal Universitetinin Nüvə Detektorları və Araşdırma Mərkəzində yeni silisium əsaslı PİN fotodiodları hazırlanıb.
Azərbaycan Respublikasının Prezidenti yanında Elmin İnkişafı Fondundan AZƏRTAC-a bildirilib ki, fotodiodların hazırlanma texnologiyasına nəzarət edilməsi üçün Radiasiya Problemləri İnstitutunun əməkdaşları Zirəddin Sadıqov və Fərid Əhmədov qrant çərçivəsində Nüvə Detektorları və Araşdırma Mərkəzinə ezam olunub. Yeni hazırlanan silisium əsaslı PİN fotodiodların parametrləri Radiasiya Problemləri İnstitutunun İnnovativ ionlaşdırıcı şüa qəbulediciləri laboratoriyasında yerinə yetiriləcək.
Yeni hazırlanmış quruluşda 10 millimetr nazik titan təbəqəsinin istifadə edilməsi bu tip qeydedicilərin ultra bənövşəyi oblastda həssaslığının artmasına və yüklü zərrəcik detektorlarının hazırlanmasına imkan verəcək. Bu tip qeydedicilər nüvə fizikasında, radiasiya təhlükəsizliyində və sənayenin müxtəlif sahələrində uğurla tətbiq olunacaq.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib