Bakı, 27 oktyabr, AZƏRTAC
Oktyabrın 27-də Azərbaycanda 44 min 716 nəfər yeni növ koronavirus (COVID-19) infeksiyası əleyhinə vaksinasiya olunub.
Nazirlər Kabineti yanında Operativ Qərargahdan AZƏRTAC-a bildirilib ki, gün ərzində birinci mərhələ üzrə vaksinasiya olunanların sayı 32 min 320, ikinci mərhələ üzrə vaksinasiya olunanların sayı 12 min 396 nəfər təşkil edib.
Azərbaycanda bu günə qədər vurulan vaksinlərin ümumi sayı 9 milyon 469 min 618, birinci mərhələ üzrə peyvənd olunanların ümumi sayı 5 milyon 119 min 77, ikinci mərhələ üzrə vaksinasiya edilənlərin sayı 4 milyon 350 min 541 nəfər təşkil edir.