Tallində Azərbaycanın Müstəqilliyinin Bərpası Gününə həsr olunmuş konsert təşkil edilib
Tallin, 20 oktyabr, AZƏRTAC
Estoniyada fəaliyyət göstərən “İrs” Estoniya-Azərbaycan gənclər təşkilatının təşəbbüsü və təşkilatçılığı ilə Tallin şəhərində 18 Oktyabr – Azərbaycanın Müstəqilliyinin Bərpası Gününə həsr olunmuş təntənəli konsert keçirilib.
AZƏRTAC xəbər verir ki, ölkənin tarixi-mədəni memarlıq abidəsi olan Tallin Ratuşunda baş tutan tədbirdə Azərbaycanın Estoniyadakı səfiri Anar Məhərrəmov, bu ölkənin rəsmi şəxsləri və Azərbaycan diasporunun nümayəndələri iştirak ediblər.
Konsertdə gənc azərbaycanlı musiqiçilər Nəriman Əmiraslanov, Nigar Süleyman, Tokay Oqtayoğlu, Humay Hacızadə, Leyla Rəhimova və eston musiqiçisi Mari Liis Uibon çıxış ediblər. Yerli “Graatsia” rəqs qrupu Azərbaycan rəqslərini təqdim edib.
Asiman Əsədov
AZƏRTAC-ın xüsusi müxbiri
Tallin
Şarl Mişel: Azərbaycanla Ermənistan arasında əldə olunmuş razılaşmanı alqışlayırıq
“Qazaxın 4 kəndinin danışıqlar yolu ilə azad edilməsi böyük həqiqətin növbəti təzahürüdür” - RƏY
İsveçin xarici işlər naziri Qazaxın kəndlərinin Azərbaycana qaytarılması ilə bağlı paylaşım edib