“Champions Chess Tour”: Şahmatçılarımız birinci turda məğlub olublar
Bakı, 26 sentyabr, AZƏRTAC
Şahmat üzrə norveçli dünya çempionu Maqnus Karlsenin təşkil etdiyi “Champions Chess Tour”un final mərhələsinin birinci turunun oyunları keçirilib.
AZƏRTAC xəbər verir ki, yarışda Azərbaycanı qrosmeysterlərimiz Şəhriyar Məmmədyarov və Teymur Rəcəbov təmsil edirlər.
Birinci turda Ş.Məmmədyarov ABŞ təmsilçisi Uesli So ilə üz-üzə gəlib. Qarşılaşma şahmatçımızın 1:3 hesablı məğlubiyyəti ilə başa çatıb.
T.Rəcəbov isə Vladislav Artemyevlə mübarizə aparıb. Dörd partiyanın hamısı bərabərliklə başa çatdığı üçün tay-breyk oynanılıb. Teymur Rəcəbov burada rəqibinə 0,5:1,5 hesabla məğlub olub.
Qeyd edək ki, hər matçda dörd partiya oynanılır. Qalib müəyyənləşməzsə blits və Armageddon görüşlərinin oynanılması nəzərdə tutulur.
Turnirin mükafat fondu 100 000 ABŞ dollarıdır.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir