Bakı, 25 sentyabr, AZƏRTAC

AMEA-nın Mikrobiologiya İnstitutunun rəhbərliyi və kollektivi 27 sentyabr - Anım Günü çərçivəsində İkinci Fəxri xiyabanı ziyarət ediblər.
Bu barədə AZƏRTAC-a AMEA-dan məlumat verilib. Bildirilib ki, institut əməkdaşları ölkəmizin ərazi bütövlüyü və suverenliyi uğrunda qəhrəmanlıq göstərərək şəhidlik zirvəsinə ucalan vətən oğullarının məzarlarını ziyarət edib, onların xatirəsini ehtiramla yad ediblər. Şəhidlərimizin məzarları önünə gül dəstələri qoyub, ruhlarına dualar oxuyublar.
Qeyd edək ki, sentyabrın 27-də Mikrobiologiya İnstitutunda Anim Gününə həsr olunan onlayn tədbir keçiriləcək.