E-dövlətin idarə olunması modelləri araşdırılır
Bakı, 23 sentyabr, AZƏRTAC
AMEA İnformasiya Texnologiyaları İnstitutunda “E-dövlətin idarə olunması modellərinin analizi” mövzusunda magistrlik dissertasiya işinin müzakirəsinə həsr olunmuş onlayn elmi seminar keçirilib.
Bu barədə AZƏRTAC-a institutdan məlumat verilib. Məruzəni təqdim edən institutun magistrantı Fərid Alışanov elektron dövlətin İKT-dən istifadə etməklə dövlət fəaliyyətinin informasiya aspektlərini həyata keçirmək üçün nəzərdə tutulmuş üsul olduğunu diqqətə çatdırıb. O, inkişaf etməkdə olan ölkələrdə elektron idarəetmə modellərindən söz açaraq kritik axın, müqayisəli analiz, yayım, interaktiv xidmət, səfərbərlik və lobbi modelləri barədə məlumat verib.
Azərbaycanda e-dövlət quruculuğundan söz açan magistrant qeyd edib ki, ölkəmizdə elektron hökumət X-Road modeli üzərində qurulub. Bununla, dövlət qurumları arasında təhlükəsiz məlumat mübadiləsini təmin edən hökumət bazası yaradılıb, məlumat mərkəzinin yaradılması isə planlaşdırılır. Hazırda 91 hökumət və kommersiya təşkilatının elektron xidmətləri X-Road Azərbaycan sisteminə qoşulub, fiziki və hüquqi şəxslərə e-İmza və “Asan İmza” mobil elektron imza vasitəsilə əlyetərli olan 1000-dən artıq xidmət təqdim etməkdədir.
Sonda mövzu ilə bağlı fikir mübadiləsi aparılıb, suallar cavablandırılıb.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib