Gömrük Komitəsi yanında İctimai Şuraya seçkilər başlayıb
Bakı, 21 sentyabr, AZƏRTAC
Bu gün Dövlət Gömrük Komitəsi (DGK) yanında İctimai Şuraya seçkilərə start verilib. Şeçkilərdə 23 namizəd mübarizə aparır.
Komitənin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, DGK yanında İctimai Şuraya 13 nəfər namizəd üzv seçiləcək.
DGK yanında İctimai Şuranın yaradılması istiqamətində Komitə sədrinin sərəncamı ilə İctimai Şura seçkilərinin təşkil edilməsi məqsədilə seçki komissiyası yaradılıb. Seçki komissiyasının 2021-ci il 17 iyul tarixli qərarı ilə iyulun 27-dən avqustun 23-nə qədər İctimai Şura üzvlüyünə namizədlərin qeydiyyatı həyata keçirilib. İctimai Şuraya namizədliyi irəli sürülmüş vətəndaş cəmiyyəti institutu nümayəndələrindən 23 nəfərinin namizədliyi qeydə alınıb. Namizədlərin qeydiyyat prosesi yekunlaşdıqdan sonra sentyabrın 2-dən sentyabrın 11-nə qədər vətəndaş cəmiyyəti institutlarının bərabər sayda təmsilçilərindən ibarət birgə yığıncaqda səsvermədə iştirak edəcək seçicilərin qeydiyyatı aparılıb. Vətəndaş cəmiyyəti institutlarının 277 nəfər nümayəndəsinin İctimai Şuraya üzvlərin seçilməsi məqsədilə keçirilən şeçkilərdə iştirakı qeydə alınıb.
İctimai Şuranın vətəndaş cəmiyyəti institutları tərəfindən seçilməsinə dair əsasnamənin 309-cu bəndinə əsasən, səsvermədə iştirak edənlərin yarıdan çoxunun səsini toplamış şəxslər İctimai Şuranın tərkibinə seçilmiş hesab olunacaqlar.
Səsvermə bu gün saat 16:00-da bitəcək və seçkinin nəticələrinə dair yekun protokol tərtib edilərək seçki komissiyasının üzvləri tərəfindən imzalanacaq.
AZAL Bakıdan Kəraçiyə ilk reysini həyata keçirib
Avropa şirkəti “Şimal axını” boru kəmərinin partlamasına görə kompensasiya ödəməkdən imtina edib
® “Azercell” ADA-nın Karyera Hazırlığı Həftəsində iştirak edir
Avstriyalı sərmayədarlar Azərbaycanda fəal işbirliyinə dəvət olunublar