Bakı, 20 sentyabr, AZƏRTAC

Hazırda Azərbaycanda Rusiya kapitallı mindən çox şirkət fəaliyyət göstərir.
AZƏRTAC xəbər verir ki, bu barədə energetika naziri Pərviz Şahbazov Rusiyanın “Нефтегазовая вертикаль” jurnalına verdiyi müsahibəsində deyib.
O qeyd edib ki, Azərbaycan ilə Rusiya arasında qarşılıqlı sərmayə qoyuluşu sahəsində yaxşı bir dinamikanın olması təəccüblü deyil. Rusiya şirkətlərinin Azərbaycanın neft-qaz sektoruna yatırdığı sərmayələrin ümumi həcmi bu il aprelin 1-nə 4,9 milyard dollar təşkil edib.