×
A
A
A
Sazlamalar

Çexiya ordusunu yeni nəsil artilleriya qurğuları ilə təchiz edir

Praqa, 15 sentyabr, AZƏRTAC

Çexiya ordusunu yeni nəsil artilleriya qurğuları ilə təchiz edir.
AZƏRTAC Çexiya KİV-inə istinadla xəbər verir ki, ölkə ordusunun generaliteti artilleriyanın yenidən silahlanmasının başlanması haqqında qərar qəbul edib. Təqribən 334 milyon avro NATO-nun tələblərinə cavab verməyən “DANA” özüyeriyən artilleriya qurğularının (ÖAQ) dəyişdirilməsinə və 52 yeni “CAESAR” fransız qurğusunun alınmasına ayrılıb.
Xatırladaq ki, bu tip ÖAQ-ın istehsalçısı tanınmış “Nexter Systems” şirkətidir. Sifarişin sentyabr ayının sonuna qədər veriləcəyi gözlənilir. İnflyasiya səbəbindən onun dəyəri ilkin hesablamalara nisbətən 40 faiz artacaq. Bu, komplektləşdirici hissələrin və xammalın bahalaşması ilə əlaqədardır. Tam quraşdırma Çexiyanın özündə aparılacaq, Tatranın şassisi və onun zirehli kabinələri baza rolunu oynayacaq.
Pərvanə Qarayeva
AZƏRTAC-ın xüsusi müxbiri
Praqa

Dünya 2021-09-15 02:01:00