Gürcüstanda koronavirusa yeni yoluxanların 80 faizində “delta" ştamı aşkarlanıb
Tbilisi, 5 avqust, AZƏRTAC
Gürcüstanda koronavirusa yeni yoluxanların 80 faizində “delta” ştamı aşkarlanıb.
AZƏRTAC xəbər verir ki, bu barədə Gürcüstanın Xəstəliklərə Nəzarət və İctimai Səhiyyə Milli Mərkəzinin rəhbərinin müavini Paata İmnadze məlumat verib.
Onun sözlərinə görə, "delta” ştamına yoluxma ən çox Tbilisi və Batumidə qeydə alınıb.
Qeyd edək ki, son sutka ərzində Gürcüstanda 3670 nəfərdə koronavirus aşkar olunub.
Son 24 saatda daha 38 nəfər pandemiyanın qurbanı olub.
Bununla da, Gürcüstanda COVID-19-a yoluxanların ümumi sayı 436 min 573-ə, ölənlərin ümumi sayı isə 5986-ya çatıb.
Hazırda ölkədə 37 min 108 nəfər aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır