Çində bazarda baş verən partlayışda ölənlərin sayı 25-ə yüksəlib
Pekin, 14 iyun, AZƏRTAC
Çinin Hubey vilayətində yaşayış məhəlləsindəki bazarda təbii qaz sızmasından baş verən partlayışda ölənlərin sayı 25-ə yüksəlib.
AZƏRTAC xəbər verir ki, bu barədə vilayət hökumətinin rəsmiləri açıqlama yayıblar. Bildirilir ki, Şiyan şəhərində iyunun 13-də səhər saatlarında baş vermiş partlayış nəticəsində dağıntı altında qalanlar olub. Fövqəladə Hallar Nazirliyinin xilasediciləri dağıntı altından 35 nəfəri sağ çıxarıblar.
Qeyd edək ki, Şiyan şəhərinin Canvan rayonunda baş verən partlayışdan sonra ərazidən 12 nəfərin meyiti tapılmışdı, 37-si ağır olmaqla, 138 nəfər yaralanmışdı. Partlayış nəticəsində bazar binası yararsız hala düşüb, bundan başqa ətrafdakı yaşayış və inzibati binalara, habelə avtomobillərə xeyli ziyan dəyib.
Axtarış-xilasetmə işləri davam etdirilir.
Şahin Cəfərov
AZƏRTAC-ın xüsusi müxbiri
Pekin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır