Bakı, 14 iyun, AZƏRTAC

Füzuli rayonunun Böyük Bəhmənli kəndi ərazisində yol-nəqliyyat hadisəsi baş verib.
Daxili İşlər Nazirliyinin mətbuat xidmətindən AZƏRTAC-a bildiriblər ki, Qarakollu kənd sakini Ceyhun Qarayev idarə etdiyi “Mercedes” markalı avtomobili körpüdən Quruçay çayına aşırıb. Nəticədə sürücü aldığı xəsarətlərdən hadisə yerində ölüb.
Füzuli Rayon Polis Şöbəsi tərəfindən araşdırma aparılır.