Bakı, 12 iyun, AZƏRTAC

Uşaqlıqdan futbol azarkeşiyəm. Ölkəm İsveçrənin futbol millisini bütün oyunlarda dəstəkləməyə çalışıram. Buna görə də bu gün Bakıdayam. Bakı çox gözəl, unikal şəhərdir.
Bu sözləri “Avro-2020”nin Bakıdakı oyunlarını izləmək üçün ölkəmizə gələn isveçrəli futbol azarkeşi Lorens Hanseker AZƏRTAC-a müsahibəsində deyib.
Ölkəmizdə yüksək qonaqpərvərlikdən məmnunluğunu ifadə edən azarkeş deyib: “Bu gözəl şəhərin insanları olduqca mehriban, qonaqpərvərdirlər. Bakıya gəldiyimiz gündən çox gözəl vaxt keçiririk. Burada olmaqdan məmnunam. Sevimli komandamın bu gözəl şəhərdə qalib gələcəyinə inanıram. Düşünürəm ki, İsveçrə millisi A qrupunda ikinci yeri tutaraq səkkizdəbir finala vəsiqə qazanacaq”.