Azərbaycan Dövlət
İnformasiya Agentliyi

A
A
A
Sazlamalar

UNEC-də xarici dil müəllimlərinin işə qəbulu aparılır

Bakı, 11 iyun, AZƏRTAC

Azərbaycan Dövlət İqtisad Universiteti (UNEC) 2021/2022-ci tədris ili üçün xarici dil (ingilis dili) müəllimi vəzifəsi üzrə vakansiya elan edib. Arzu edənlər CV və təsdiqedici sənədlərini iyunun 15-dək [email protected]  ünvanına göndərə bilərlər.
Bu barədə AZƏRTAC-a universitetdən məlumat verilib. Bildirilib ki, müraciət edənlərdən ixtisas üzrə magistr dərəcəsi, beynəlxalq dil sertifikatları, xüsusilə IELTS 6 (yazı və danışıq göstəricisi minimum 6.5), TOEFL (min 95) tələb olunur.
Pedaqoji təcrübəsi, innovativ tədris və təlim metodlarından istifadə bacarığı, pozitiv, kommunikativ və komanda ilə işləmə bacarığı, kompüter istifadəsi bacarığı (ofis proqramları, onlayn tədris və biliyin qiymətləndirilməsi platformaları) olan namizədlərə üstünlük verilir.

Elm və təhsil 2021-06-11 19:08:00