Mehdiabad qəsəbəsində məktəb direktorunun qanunsuz əməlləri ilə bağlı araşdırmalar aparılır
Bakı, 20 may, AZƏRTAC
Abşeron Rayon Prokurorluğu Mehdiabad qəsəbəsi 5 nömrəli tam orta məktəbin direktoru Samirə Əkbərovanın vətəndaşı işə düzəltmək adı ilə rüşvət almasına dair bəzi kütləvi informasiya vasitələrində dərc olunan məlumatlara münasibət bildirib.
Rayon prokurorluğunun AZƏRTAC-a daxil olan məlumatında bildirilib ki, Abşeron Rayon Prokurorluğuna daxil olmuş müraciət əsasında aparılmış ilkin yoxlama zamanı 5 nömrəli tam orta məktəbin direktoru Samirə Əkbərovanın etibardan sui-istifadə etmə və aldatma yolu ilə özgənin əmlakını ələ keçirmək məqsədilə vətəndaşdan qızını Bakı şəhəri ərazisində yerləşən məktəblərin birində ixtisası üzrə işlə təmin edəcəyini vəd etməklə 7 min manat məbləğində pul vəsaitini almaqla dələduzluq etdiyi müəyyən olunub.
Faktla bağlı Cinayət Məcəlləsinin 178.2.3-cü, 178.2.4-cü (şəxs tərəfindən öz qulluq mövqeyindən istifadə etməklə xeyli miqdarda dələduzluq) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanıb.
Hazırda iş üzrə zəruri istintaq hərəkətləri aparılmaqla cinayət əməllərinə yol vermiş şəxslər müəyyənləşdirilərək istintaqa cəlb olunacaqlar.
“Tik-Tok”da “kreditə qızıl satılır” adı altında vətəndaşları talayan dəstə üzvləri saxlanılıb
Bakı Ağır Cinayətlər Məhkəməsinin hakimi intihar edib
“Binə” və “Sədərək” ticarət mərkəzlərini su basıb, əraziyə xilasetmə qüvvələri cəlb edilib VİDEO
Fatmayı kəndində dənizdə batan şəxsin meyiti tapılıb - YENİLƏNİB
FHN: Ötən sutka ərzində 40 yanğına çıxış olub, 13 nəfər xilas edilib VİDEO