Bakı, 17 may, AZƏRTAC

Fransa Peşəkar Futbolçular İttifaqı (UNFP) bu ölkədən kənarda çıxış edən yerli oyunçular arasında ən yaxşını müəyyənləşdirib.
AZƏRTAC xarici KİV-lərə istinadla xəbər verir ki, Madridin “Real” komandasının hücumçusu Kərim Benzema səsvermə nəticəsində legioner həyatı yaşayan ən yaxşı fransalı futbolçu seçilib. O, Uqo Loris (“Tottenhem”), Nqolo Kante (“Çelsi”), Usman Dembele (“Barselona”), Ferlan Mendini (“Real”) qabaqlayıb.
UNFP ikinci dəfədir Kərim Benzemanı qalib elan edir. O, iki il əvvəl də eyni titula sahib olub.