"Avro-2021": Azərbaycan millisinin potensial rəqibləri müəyyənləşib
Bakı, 17 may, AZƏRTAC
Qadın voleybolçular arasında 2021-ci ildə keçiriləcək Avropa çempionatının seçmə mərhələsi başa çatıb.
AZƏRTAC xəbər verir ki, qitə birinciliyinin final mərhələsinin bütün iştirakçıları müəyyənləşib.
Belarus, Bosniya və Herseqovina, Macarıstan, Yunanıstan, İspaniya, Slovakiya, Finlandiya, Fransa, Ukrayna, Çexiya, İsveçrə və İsveç milliləri seçmə mərhələdən "Avro-2021"ə yüksəliblər.
Azərbaycan yığması final mərhələsinə "Avro-2019"un nəticələrinə görə vəsiqə qazanan 8 ən yaxşı komandadan biridir. Millimizlə yanaşı, Belçika, Almaniya, İtaliya, Niderland, Polşa, Rusiya və Türkiyə də qitə çempionatında gücünü sınayacaq.
"Avro-2021"in oyunları avqustun 18-dən sentyabrın 4-dək Bolqarıstan, Rumıniya, Serbiya və Xorvatiyada keçiriləcək.
Superliqa: "Beşiktaş" doğma meydanda qalib gəlib
Azərbaycan parabadmintonçusu beynəlxalq turnirdə yarımfinala yüksəlib
Bakıda bədii gimnastika üzrə Dünya Kubokunun açılış mərasimi olub
Premyer Liqa: “Sumqayıt” Tovuzda vacib üç xalı qazanıb
FHN-nin qurumları arasında stolüstü tennis üzrə çempionata yekun vurulub