XSİ AFR kansleri vəzifəsinə namizədini müəyyən edib
Berlin, 12 aprel, AZƏRTAC
Almaniya Xristian Sosialistlər İttifaqının (XSİ) lideri, 54 yaşlı Markus Zöder ölkənin federal kansleri vəzifəsinə XSİ-dən öz namizədliyini irəli sürmək niyyətində olduğunu bildirib.
AZƏRTAC xəbər verir ki, Zöder bununla əlaqədar çıxışında Xristian Demokratlar İttifaqından (XDİ) olan həmkarlarına onun namizədliyini dəstəkləmələrini təklif edib.
Xatırladaq ki, XDİ-dən bu vəzifəyə namizəd həmin partiyanın lideri Armin Laşetdir. Lakin Zöder özünü Laşetdən daha yaxşı hazırlıqlı hesab edir. XSİ lideri özünü nəzərdə tutaraq deyib: “Kimin şansı daha çoxdursa, onun namizədliyini irəli sürmək lazımdır”. Zöder əmindir ki, Laşetin öz namizədliyini onun xeyrinə geri götürməsi barədə razılığa gələ biləcək. Zöder zarafatla deyib: “Biz Helmut Kol və Frans Yozef Ştraus deyilik”.
XDİ/XSİ blokunun vahid namizədinin adı yaxın vaxtlarda məlum olacaq.
Vüqar Seyidov
AZƏRTAC-ın xüsusi müxbiri
Berlin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır