Bakıda narkotik vasitələrin qanunsuz dövriyyəsində şübhəli bilinən şəxs tutulub VİDEO
Bakı, 5 mart, AZƏRTAC
Narkotik vasitələrin qanunsuz dövriyyəsində şübhəli bilinən Nofəl Hüseynov Sabunçu Rayon İdarəsinin 15-ci polis bölməsinin əməkdaşları tərəfindən keçirilən əməliyyat tədbiri nəticəsində saxlanılıb.
Daxili İşlər Nazirliyinin mətbuat xidmətindən AZƏRTAC-a verilən məlumata görə, axtarış zamanı ondan heroin aşkar edilib. Saxlanılan şəxsin yaşadığı evinə baxış zamanı 1 kiloqram 500 qram heroin aşkarlanaraq götürülüb. Araşdırma zamanı müəyyən olunub ki, Nofəl Hüseynov narkotik vasitələri satmaq məqsədilə şəxsiyyəti istintaqla araşdırılan bir nəfərdən əldə edib.
Faktla bağlı saxlanılan şəxs barəsində 15-ci polis bölməsində toplanan materiallar Sabunçu Rayon Polis İdarəsinin istintaq şöbəsinə göndərilib. N.Hüseynov tutularaq istintaqa cəlb olunub. Narkotik maddələrin mənbəyinin müəyyənləşdirilməsi istiqamətində zəruri istintaq və əməliyyat tədbirləri davam etdirilir.
“Tik-Tok”da “kreditə qızıl satılır” adı altında vətəndaşları talayan dəstə üzvləri saxlanılıb
Bakı Ağır Cinayətlər Məhkəməsinin hakimi intihar edib
“Binə” və “Sədərək” ticarət mərkəzlərini su basıb, əraziyə xilasetmə qüvvələri cəlb edilib VİDEO
Fatmayı kəndində dənizdə batan şəxsin meyiti tapılıb - YENİLƏNİB
FHN: Ötən sutka ərzində 40 yanğına çıxış olub, 13 nəfər xilas edilib VİDEO