ABŞ-ın Florida ştatında Xocalı faciəsi qurbanlarının xatirəsinə havaya şarlar buraxılıb
Bakı, 27 fevral, AZƏRTAC
ABŞ-da fəaliyyət göstərən Florida Azərbaycan Cəmiyyətinin təşəbbüsü və Diasporla İş üzrə Dövlət Komitəsinin dəstəyi ilə Florida ştatının Mayami şəhərinin mərkəzində Xocalı soyqırımının 29-cu ildönümü ilə əlaqədar anım tədbiri keçirilib.
Diasporla İş üzrə Dövlət Komitəsindən AZƏRTAC-a bildiriblər ki, tədbirdə Xocalı soyqırımı qurbanlarının xatirəsi bir dəqiqəlik sükutla yad edilib. Mərasimdə açıq havada Xocalı qətliamı zamanı qətlə yetirilən insanların xatirəsini anmaq məqsədilə havaya qara şarlar buraxılıb və “Xocalıya ədalət!” şüarı yazılmış stend yerləşdirilib.
Cəmiyyətin sədri Esmira Bayramova həm cəmiyyət üzvlərinə, həm də ərazidə tədbirlə maraqlanan şəxslərə Xocalı soyqırımı haqqında ətraflı məlumat verib. Bildirib ki, bəşəriyyətin ən qanlı səhifələrindən biri olan Xocalı soyqırımının tanıdılması və ona siyasi-hüquqi qiymətin verilməsi üçün hər bir diaspor üzvü və təşkilatı yerli ictimaiyyət, kütləvi informasiya vasitələri ilə sıx əməkdaşlıq etməli, ardıcıl və sistemli fəaliyyət göstərməlidir.
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO