Xocalı soyqırımının 29-cu ildönümü ilə əlaqədar İzmirdə anım mərasimi keçirilib
İstanbul, 26 fevral, AZƏRTAC
Xocalı soyqırımının 29-cu ildönümü ilə əlaqədar Türkiyənin İzmir vilayətinin Bornova rayonunda yerləşən Azərbaycan Dostluq Parkında anım mərasimi keçirilib.
AZƏRTAC xəbər verir ki, mərasimdə Bornova rayon bələdiyyəsinin sədri və rayonun icra başçısı, barnovalılar, azərbaycanlılar iştirak ediblər.
Tədbirdə əvvəlcə Azərbaycan və Türkiyənin dövlət himnləri səsləndirilib, hər iki qardaş ölkə şəhidlərinin xatirəsi ehtiramla anılıb. Parkda yerləşən Xocalı soyqırımı abidəsinin önünə güllər düzülüb.
Azərbaycan Mədəniyyət və Həmrəylik Dərnəyinin sədri Mülazim Pahsa və digərləri çıxışlarında Xocalı soyqırımının dəhşətlərindən danışıblar. Qeyd olunub ki, onilliklər boyu xalqlarımıza qarşı düşmənçilik edən ermənilər hər fürsətdə günahsız insanlara qarşı soyqırımı həyata keçiriblər. Mərasimdə Azərbaycan-Türkiyə dostluq və qardaşlıq şüarları səsləndirilib.
Günel Məlikova
AZƏRTAC-ın xüsusi müxbiri
İstanbul
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO