İmişli, 26 fevral, Aydın Yavərzadə, AZƏRTAC

İmişli rayonunda Xocalı soyqırımı qurbanlarının xatirəsinə ağacəkmə aksiyası təşkil olunub. Aksiya çərçivəsində 613 həmişəyaşıl ağac əkilib.
AZƏRTAC-ın bölgə müxbiri xəbər verir ki, aksiyada rayonun ziyalıları ilə yanaşı, gənclər və könüllülər də iştirak ediblər. Ağacların əkilməsi üçün ayrılan ərazi öncə kol-kosdan təmizlənib və quyular qazılıb. Pandemiya şəraitinin qaydalarına uyğun olaraq iməcilik keçirilib. Ağaclar Zəfər prospektinin kənarında əkilib.