Xocalı faciəsi haqqında metodik-biblioqrafik slayd və tammətnli tövsiyə göstəricisi oxuculara təqdim edilib
Bakı, 26 fevral, AZƏRTAC
F.Köçərli adına Respublika Uşaq Kitabxanası Xocalı faciəsinin 29-cu ildönümü ilə əlaqədar metodik-biblioqrafik slayd və tammətnli tövsiyə göstəricisini oxuculara təqdim edib.
AZƏRTAC xəbər verir ki, “Əsrin qətliamı - Xocalı” adlı metodik-biblioqrafik slaydda yuxarı sinif şagirdləri üçün Xocalı faciəsi haqqında ədəbiyyat siyahısı əks olunub. Slayd Xocalı faciəsinin qurbanlarına çevrilmiş və soyqırımından əziyyət çəkmiş insanların statistik göstəricilərinin nümayişi ilə başlayır.
Slaydda Xocalı soyqırımının tarixi gerçəkliklərindən bəhs olunan müxtəlif kitablar annotasiyaları ilə birgə nümayiş edilir. Kitablar sırasında Əsli Xəlilqızının “Güllələnmiş uşaqlıq”, Sadir Məmmədovun “Xocalı Soyqırımı”, Sülhiyyə Musaqızının “Azərbaycan terrorizmin caynağında”, Səriyyə Müslümqızının “Dünya susmasın gərək”, Nəsiman Yaqublunun “Xocalı Soyqırımı”, Elxan Elatlının “Cəhənnəmdən gələn səs”, Salatın Əhmədlinin “Başdaşı əhvalatı”, Adil Həşimovun “Arpaçayın nisgili”, Sabir Məmmədovun “Tarixi saxtalaşdırmaq cinayətdir”, Sevinc Nuruqızının “Qisas” əsəri yer alıb.
“Xocalı soyqırımı” adlı tammətnli tövsiyə göstəricidə 51 kitab və 27 dövri mətbuatda dərc edilən materiallar təqdim olunub.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir