Meksika–Azərbaycan ədəbi əlaqələri davam etdirilir
Bakı, 25 yanvar, AZƏRTAC
Meksikanın Azərbaycandakı səfiri Xuan Rodriqo Labardini Flores Dövlət Tərcümə Mərkəzində olub.
Tərcümə Mərkəzindən AZƏRTAC-a bildirilib ki, görüş zamanı 2021-ci ilin Azərbaycanda elan olunmuş “Nizami Gəncəvi İli” ilə əlaqədar Meksikada və digər Latın Amerikası ölkələrində görüləcək tədbirlər ətrafında fikir mübadiləsi aparılıb. Tədbirlər sırasında dahi Azərbaycan şairinin ispan dilinə çevrilmiş əsərlərinin ispandilli ölkələrdə nəşri, yaradıcılığının Meksika Xarici İşlər Nazirliyinin “Mədəniyyət diplomatiyası” veb-saytı vasitəsilə onlayn videokonfranslar formatında müzakirəsinin təşkili məsələləri müzakirə edilib.
Səfir deyib: “Dövlət Tərcümə Mərkəzi ilə Meksika səfirliyinin ötən illər ədəbiyyatlararası mübadilələr istiqamətində əməkdaşlığını məhsuldar hesab edirəm. Bu uğurlu iş birliyinin bu il də və gələn illərdə də daha geniş və əhatəli şəkildə müxtəlif formatlarda davam etdiriləcəyinə ümid edirəm”.
Görüşün sonunda qonağa dünya şöhrətli Meksika yazıçısı Karlos Fuentesin Azərbaycan dilinə tərcümə və nəşr edilmiş “Seçilmiş əsərləri” kitabı təqdim olunub.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir