Bakı, 25 yanvar, AZƏRTAC

Azərbaycan Texniki Universitetində (AzTU) Vətən müharibəsində iştirak etmiş tələbə və məzunları üçün kompleks qayğı proqramı hazırlanıb.
AzTU-dan AZƏRTAC-a bildirilib ki, yeni proqram universitetin Elmi şurasında təsdiqlənib. Proqrama əsasən Vətən müharibəsində iştirak etmiş tələbə və məzunlarla bağlı universitet tərəfindən müxtəlif layihələr həyata keçiriləcək.
Qeyd edək ki, Vətən müharibəsində AzTU-nun tələbə və məzunları arasında 26 nəfər şəhidlik zirvəsinə yüksəlib.