Sabirabadda ötən il 1816 ton tərəvəz yığılıb
Sabirabad, 25 yanvar, Mahir Babayev, AZƏRTAC
Son illər Sabirabadda istixana şəraitində yetişdirilən xiyar-pomidor və digər bitkilərin əkininə maraq artıb. Dövlətin sahibkarlar üçün yaratdığı əlverişli şəraitdən yararlanan torpaq mülkiyyətçiləri hər il daxili və xarici bazarlara istixanalarda yetişdirilən min tonlarla məhsul çıxararaq yüksək mənfəət əldə edirlər. Onlar bu sahədən əldə etdikləri gəlirlər hesabına istixanaların şəbəkəsini də ilbəil genişləndirirlər. Hazırda rayonun Nizami kəndində ərazisi 5 hektar olan yeni istixana kompleksi tikilir və yaxın vaxtlarda bu istixanada da məhsul yetişdirilməsinə başlanacaq.
Rayon Statistika idarəsindən AZƏRTAC-ın bölgə müxbirinə bildiriblər ki, yola saldığımız 2020-ci ildə rayonda ümumi sahəsi 15 hektar olan 27 istixana kompleksindən 1896 ton xiyar-pomidor və digər tərəvəz məhsulları istehsal olunaraq bazarlara çıxarılıb.
Qeyd edək ki, Sabirabadda təsərrüfatın bu sahəsi ilə ən çox rayonun Bulaqlı, Suqovuşan, Quruzma və Nizamikənd kəndlərində fəaliyyət göstərən məhsul istehsalçıları məşğul olur.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb