Nant, 24 yanvar, AZƏRTAC

Fransanın Nant şəhərində fəaliyyət göstərən “Qarabağ” Azərbaycan məktəbi qış tətilindən sonra dərslərə başlayıb.
AZƏRTAC xəbər verir ki, Nant “Qarabağ” məktəbində tətildən sonra ilk dərs 20 Yanvar faciəsinə həsr edilib.
Azərbaycan dili müəllimi Aynurə Hacıyeva uşaqlara 20 Yanvar faciəsi, şəhidlərimiz haqqında ətraflı məlumat verib.
Məktəbin şagirdləri 20 Yanvar faciəsinin qurbanlarına həsr edilmiş “Qanlı gecə”, “20 Yanvar”, “Şəhidlər”, “Ağla Qərənfil ağla” şerlərini söyləyiblər. Fəal şagirdlər müəllim tərəfindən mükafatlandırılıb. Musiqi dərsində şagirdlər “Şəhidlər” simfoniyasını öyrəniblər.
Belə tədbirlərin təşkilinə görə şagirdlərin valideynləri müəllimlərə təşəkkürlərini bildiriblər.
Şəhla Ağalarova
AZƏRTAC-ın xüsusi müxbiri
Nant