Zaqatalada payızlıq dənlilərin əkin sahəsi 76 hektar artıb
Zaqatala, 23 yanvar, Mustafa Dadaşov, AZƏRTAC
Zaqatalada 2021-ci ilin məhsulu üçün bütün təsərrüfat kateqoriyaları üzrə 11 min 627 hektar sahədə payızlıq bitkilərin səpini üçün şum aparılıb. Torpaq mülkiyyətçiləri tərəfindən isə ötən ilin payızında 11 min 396 hektar sahədə dənli bitkilərin səpini həyata keçirilib. Taxıl əkinlərinin 7 min 819 hektarını buğda, 3 min 577 hektarını arpa sahələri təşkil edir. Payızlıq dənlilərin əkin sahəsi əvvəlki illə müqayisədə 76 hektar artıb.
Bu barədə AZƏRTAC-ın bölgə müxbirinə Zaqatala Rayon Statistika İdarəsindən məlumat verilib.
Qurumdan bildirilib ki, payızlıq dənli bitkilərin əkin sahəsinin 10 min 296 hektarı və ya 90,3 faizi əhali təsərrüfatlarının payına düşür.
Xatırladaq ki, ötənilki mövsümdə rayonda 11 min 320 hektar sahənin məhsulu biçilib, 35 min 50 ton taxıl istehsal olunub. Hər hektara görə orta məhsuldarlıq 31 sentner təşkil edib. Taxıl istehsalı əvvəlki illə müqayisədə 1881 ton artıb.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb