Astara, 19 yanvar, Bağır Əliyev, AZƏRTAC

Astara rayonunda müharibə iştirakçılarının adlarının əbədiləşdirilməsi istiqamətində ardıcıl tədbirlər həyata keçirilir.
AZƏRTAC-ın bölgə müxbiri xəbər verir ki, İkinci Dünya müharibəsində Sovet İttifaqı Qəhrəmanı adına layiq görülmüş Cəbiyev Mirzə Ağamurad oğlunun doğulduğu Astara rayonunun Hamoşam kəndindəki, Sovet İttifaqı Qəhrəmanı İlya Kaverinin isə Astara şəhərində rus qəbiristanlığındakı məzarüstü abidələri yenilənib, ətrafı səliqə-sahmana salınıb.