Böyük həcmli verilənlərin klasterləşdirilməsi üçün effektiv alqoritm işlənilib
Bakı, 12 yanvar, AZƏRTAC
İnformasiya Texnologiyaları İnstitutu əməkdaşlarının hazırladıqları “Böyük həcmli verilənlərin klasterləşdirilməsi üçün paralel paketli k-means alqoritmi” başlıqlı məqalə beynəlxalq “Computers & Industrial Engineering” jurnalında dərc olunub.
İnstitutdan AZƏRTAC-a bildirilib ki, “Web of Science” bazasında indeksləşən bu jurnal Q1 sinfinə daxildir və impakt faktoru 4.135-ə bərabərdir.
Məqalənin müəllifləri İnformasiya Texnologiyaları İnstitutunun direktoru, akademik Rasim Əliquliyev, şöbə müdiri, AMEA-nın müxbir üzvü Ramiz Alıquliyev və aparıcı elmi işçi, dosent Lyudmila Suxostatdır.
SOCAR-ın qrant layihəsi çərçivəsində hazırlanmış məqalədə böyük həcmli verilənlərin analizi üçün paralel paketli k-means alqoritmi işlənilib. Təklif olunan alqoritm kompüterlərin yaddaş və hesablama resursları çərçivəsində böyük həcmli verilənləri analiz etmək imkanına malikdir.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib