Bakı, 11 yanvar, AZƏRTAC

İnformasiya Texnologiyaları İnstitutunun baş mühəndisi, texnika üzrə fəlsəfə doktoru, dosent Şəfəqət Mahmudovanın “Big Data” üçün istifadə olunan proqramlaşdırma dillərinin araşdırılması və müqayisəli təhlili” adlı məqaləsi “Review of Information Engineering and Applications” beynəlxalq elmi jurnalında dərc olunub.
İnstitutdan AZƏRTAC-a bildirilib ki, tədqiqat işində sənaye inqilabları haqqında məlumat verilib, xüsusilə 4-cü sənaye inqilabı təhlil edilib. Məqalədə, həmçinin proqramlaşdırma dilləri geniş analiz edilib, onların oxşar və fərqli cəhətləri müqayisə olunub.
Qeyd edək ki, “Review of Information Engineering and Applications” jurnalı “CNKI Scholar”, “Crossref”, “Google Scholar”, “Microsoft Academic Search”, “Academic Resource Index”, “CiteFactor” kimi nüfuzlu elmi bazalarda indeksləşir və referatlaşır.