“Baktelecom” “İçərişəhər” qoruğunda optik şəbəkə qurub
Bakı, 2 dekabr, AZƏRTAC
Nəqliyyat, Rabitə və Yüksək Texnologiyalar Nazirliyi “Bakı Telefon Rabitəsi” MMC (“Baktelecom”) “İçərişəhər” Tarix-Memarlıq Qoruğunda optik şəbəkənin quraşdırılmasını yekunlaşdırıb.
Nazirlikdən AZƏRTAC-a bildirilib ki, “Evədək optika” layihəsi çərçivəsində “Baktelecom”un “Azeurotel” telekommunikasiya operatoru tərəfindən qoruqda 15 kilometr uzunluğunda fiber-optik xətlərin çəkilməsi təmin edilib.
“İçərişəhər” qoruğunda mövcud 1500-dək mənzilin sakinləri üçün bir optik xətt üzərindən telefon və multimedia xidmətlərinin göstərilməsinə imkan yaradılıb. “Evədək optika” layihəsi tətbiq edilən digər ərazilərdə olduğu kimi, burada da xidməti dəstəkləyən internet avadanlıqlar istifadəçilərə ödənişsiz təqdim olunub.
Görülən işlər ən müasir internet bağlantısı olan GPON (Gigabit Passiv Optik Şəbəkə) texnologiyası əsasında aparılır. Bu texnologiya sabit sürətə zəmanət verir, eyni zamanda bir sıra xidmətləri bir xətdə birləşdirməyə imkan yaradır.
Qeyd edək ki, hazırda paytaxt və ətraf ərazilərdə “Baktelecom” tərəfindən köhnə və yeni tikililərlə yanaşı, fərdi evlərdən ibarət yaşayış massivlərində də optik şəbəkənin qurulması işləri aparılır.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb