Bakı, 2 dekabr, AZƏRTAC

Yanvar-oktyabr aylarında “Azərkosmos” ASC 30 ölkəyə 37,8 milyon dollarlıq xidmət (peyk telekommunikasiya xidmətləri və optik peyk xidmətləri) ixrac edib.
AZƏRTAC İqtisadi İslahatların Təhlili və Kommunikasiya Mərkəzinin “İxrac İcmalı”nın noyabr sayına istinadla xəbər verir ki, “Azərkosmos”un xidmət ixracından əldə etdiyi gəlir onun ümumi gəlirlərinin 90 faizini təşkil edib.
Oktyabr ayında “Azərkosmos” 21 ölkəyə 6,9 milyon dollar dəyərində xidmət ixrac edib. ASC-nin bu ilin yanvar-oktyabr aylarında xidmət ixracı həyata keçirdiyi əsas ölkələr Fransa, ABŞ, Birləşmiş Krallıq, Malayziya və Birləşmiş Ərəb Əmirlikləri olub.