Sofiya, 26 noyabr, AZƏRTAC 

Bolqarıstanda sutka ərzində 3712 yeni koronavirusa yoluxma halı baş verib. AZƏRTAC Bolqarıstanın xəstəliklə əlaqədar yaradılan operativ qərargahına istinadən xəbər verir ki, ölkədə koronavirusa yoluxanların sayı 133 min 60 nəfərə çatıb, 42 min 620 nəfər sağalıb, 3 min 367 nəfər ölüb. Xəstəxanalarda 6548 nəfər yerləşir. Onlardan 410 nəfər reanimasiya şöbələrində müalicə olunur. Bolqarıstan hökuməti təhlükənin davam etdiyini bildirir və əhalinin sanitar normalara riayət etməyə çağırır.

İqbal Hacıyev
AZƏRTAC-ın xüsusi müxbiri
Sofiya