Bakı, 26 noyabr, AZƏRTAC

Lənkəran Şəhər Rayon Polis Şöbəsinə müraciət edən Masallı rayon sakini S.Ağayev noyabrın 25-də Gərmətük qəsəbəsi ərazisindən “Mercedes” markalı avtomobilinin qaçırıldığını bildirib.
Daxili İşlər Nazirliyinin mətbuat xidmətindən AZƏRTAC-a verilən məlumata görə, nəqliyyat vasitəsini oğurlamaqda şübhəli bilinən qəsəbə sakini M.Fərzullayev polis əməkdaşlarının keçirdikləri əməliyyat-axtarış tədbirləri nəticəsində müəyyənləşdirilərək saxlanılıb. Oğurlanan avtomobil isə onun yaşadığı evin həyətində tapılıb.
Faktla bağlı araşdırmalar davam edir.