Azərbaycan Dövlət
İnformasiya Agentliyi

A
A
A
Sazlamalar

Koronavirus səbəbindən Gürcüstanda təhsillə bağlı yeni qərar verilib

Tbilisi, 25 noyabr, AZƏRTAC

Gürcüstanda koronavirus pandemiyası ilə əlaqədar təhsillə bağlı yeni qərar qəbul olunub. Ölkənin böyük şəhərlərində olan məktəblərin təhsil prosesi 2020-2021 tədris ilinin birinci semestrinin sonuna qədər məsafədən (online) keçiriləcək.
AZƏRTAC xəbər verir ki, bu barədə Gürcüstanın Təhsil Nazirliyi məlumat yayıb.
Bildirilir ki, ölkədəki epidemioloji vəziyyəti sabitləşdirmək və böyük şəhərlərdə hərəkətliliyi azaltmaq üçün, Qurumlararası Koordinasiya Şurası Tbilisi, Rustavi, Kutaisi, Zuqdidi, Telavi, Zestafoni, Qori, Qardabani, Poti və Marneuli şəhərlərində təhsil prosesinin 2020-2021-ci tədris ilinin birinci semestrinin sonuna qədər məsafədən (online) davam etməsin məqsədə uyğun hesab olunub.
Bu qərar dövlət məktəbləri ilə yanaşı özəl məktəblərə də şamil olunacaq.
Xətayi Əzizov
AZƏRTAC-ın xüsusi müxbiri
Tbilisi 

Dünya 2020-11-24 23:00:00