“Mezzo” Elmi Publisistik İnformasiya jurnalının 25-ci sayı çapdan çıxıb
Bakı, 31 oktyabr, AZƏRTAC
Üzeyir Hacıbəyli adına Bakı Musiqi Akademiyasının (BMA) “Mezzo” Elmi Publisistik İnformasiya jurnalının 25-ci sayı çapdan çıxıb.
Akademiyadan AZƏRTAC-a bildirilib ki, baş redaktoru Sənətşünaslıq üzrə fəlsəfə doktoru Vüqar Hümbətov olan jurnalda, akademiyanın professor-müəllim və əməkdaşlarının məqalələri dərc olunub. Belə ki, sənətşünaslıq üzrə fəlsəfə doktoru, professor Gülzar Mahmudova, Əməkdar incəsənət xadimi, sənətşünaslıq üzrə elmlər doktoru, professor Tərlan Seyidov, Sənətşünaslıq üzrə fəlsəfə doktoru, dosent Nərgiz Hüseynova, BMA-nın əməkdaşı Röya Hüseynovanın qələmindən çıxan və 2020-ci ilin 3 rübünü əhatə edən ən əlamətdar mədəniyyət xəbərləri, akademiyanın ictimai-siyasi həyatında baş verən hadisələr jurnalda işıqlandırılıb. Jurnalın bu buraxılışı daha çox mövcud vəziyyətlə əlaqədar olaraq pandemiya dövrünə təsadüf etdiyindən bir çox tədbirlər onlayn olaraq həyata keçirilib.
Oxucular jurnalı vərəqləyərkən önəmli tədbirlər silsiləsindən Milli Musiqi Günü, “Evdə qal, evdə yarat” sosial aksiyasından, 20 Yanvar və Xocalı faciələrinə həsr olunmuş anım tədbirləri, Gənclər Günü, yubileylər, beynəlxalq layihələr, BMA elmi-tədqiqat laboratoriyasının onlayn seminarları, BMA Məktəb studiyasının yubileyi, müəllim və tələbələrin uğurlarından, yeni layihələrdən və BMA-nın nailiyyətlərini əks etdirən başqa yazılardan xəbərdar olacaqlar.
Jurnalın üz səhifəsi Azərbaycan professional musiqi sənətinin banisi, bəstəkar və musiqişünas-alim Üzeyir Hacıbəylinin 135 illiyinə həsr olunub.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir