Bakı, 29 oktyabr, Nicat Məmmədov, AZƏRTAC

Futbol üzrə UEFA Avropa Liqasının qrup mərhələsinin II turu çərçivəsində keçirilən “Qarabağ” - “Vilyarreal” oyunu başlayıb.
AZƏRTAC xəbər verir ki, ağdamlılar Ermənistan ordusunun Azərbaycana qarşı genişmiqyaslı hərbi təxribatları ilə əlaqədar oyunu İstanbuldakı “Başakşehir Fatih Terim” stadionunda keçirir.
“Qarabağ”ın start heyətində Şahruddin Məhəmmədəliyev, Rahil Məmmədov, Kevin Medina, Abbas Hüseynov, Vild-Donald Gerye, Ovusu Kvabena, Qara Qarayev, Filip Ozobiç, Patrik Andrade, Xayme Romero və Abdullah Zubir yer alıblar.
“Vilyarreal”in ilk onbirliyində isə meydana Xeronimo Rulyi, Alfonso Pedrasa, Xaume Kosta, Pau Torres, Xuan Foyt, Ruben Penya, Samuel Çukvueze, Visente İborra (kap.), Manu Trigeros, Takefusa Kubo vəKarlos Bakka çıxıblar.
Matç Çexiyadan olan hakimlər briqadasına həvalə edilib. Görüşün əsas hakimi Referi Pavel Orelədi. Ona həmyerliləri Petr Blajey və İrji Krjij kömək edirlər. Dördüncü hakim funksiyasını isə Andrey Peçanets yerinə yetirir
Qarşılaşmanın hakim-inspektor gürcüstanlı Levan Paniaşvili, UEFA nümayəndəsi isə Ukraynadan Anna Bordiuqovadi.