“Arif Məlikov: tarix və müasirlik” kitabı çap olunub
Bakı, 28 oktyabr, AZƏRTAC
Mədəniyyət Nazirliyinin sifarişi əsasında sənətşünaslıq üzrə fəlsəfə doktoru Aytən Baxşiyeva-İbrahimovanın “Arif Məlikov: tarix və müasirlik” kitabı çapdan çıxıb.
Nazirlikdən AZƏRTAC-a bildirilib ki, kitabda görkəmli bəstəkar, SSRİ Xalq artisti, akademik Arif Məlikovun yaradıcılığında xüsusi yer tutan kamera-instrumental və kamera-vokal əsərlərinin sistemli təhlili aparılıb. Nəşrdə həmçinin bəstəkarın həyat və yaradıcılığına həsr olunmuş məqalələr və onunla bağlı xatirələr də yer alıb.
Professional musiqiçilər və geniş oxucu kütləsinə ünvanlanan kitab “Şərq-Qərb nəşriyyatında işıq üzü görüb.
Kitab Mədəniyyət Nazirliyinin tabeliyində olan müvafiq qurumlara və kütləvi kitabxanalara paylanılacaq.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir