Bakı, 27 oktyabr, AZƏRTAC

Azərbaycan Respublikası Dövlət Neft Fondu (ARDNF) inkişaf etmiş ölkələrə investisiyalarını azaldaraq beynəlxalq maliyyə təşkilatlarına yönəldir.
AZƏRTAC Neft Fondunun 2020-ci ilin 9 ayı üzrə investisiya fəaliyyətinin yekunlarına dair hesabatına istinadla xəbər verir ki, bu il sentyabrın 30-na fondun investisiya portfelinin ölkələrin inkişaf səviyyəsinə görə bölgüsündə 61,55 faizi inkişaf etmiş ölkələr, 6,3 faizi beynəlxalq maliyyə təşkilatları təşkil edib.
İlin əvvəlində isə ARDNF-in investisiya portfelinin ölkələrin inkişaf səviyyəsinə görə bölgüsündə 63,23 faizi inkişaf etmiş ölkələr, 4,73 faizi beynəlxalq maliyyə təşkilatları təşkil edirdi.