Kitabxananın hazırladığı növbəti videoçarx Həzi Aslanovun anadan olmasının 110 illiyinə həsr edilib
Bakı, 26 oktyabr, AZƏRTAC
Bakı Şəhər Mədəniyyət Baş İdarəsinin Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanasında “Yubileylər silsiləsi” layihəsi çərçivəsində videoçarxlar hazırlanır.
İdarədən AZƏRTAC-a bildirilib ki, kitabxananın tərəfindən hazırlanmış növbəti videoçarx iki dəfə Sovet İttifaqı Qəhrəmanı adına layiq görülmüş yeganə azərbaycanlı general-mayor Həzi Aslanov haqqındadır.
Təqdim edilən “Həzi Aslanov – 110” adlı videoçarx qəhrəmanın anadan olmasının 110 illik yubileyinə həsr edilib.
Videoçarxda Azərbaycan Respublikasının Prezidentinin 2019-cu il 29 dekabr tarixli “Həzi Aslanovun 110 illiyinin qeyd edilməsi haqqında” Sərəncamı təqdim olunur, Həzi Aslanov haqqında ümumi məlumat verilir, bununla yanaşı ordenləri, medalları, təltifləri və həyatı ilə bağlı fotolar nümayiş edilir.
Videoçarxda Xalq şairi Səməd Vurğunun ölməz qəhrəman Həzi Aslanova həsr etdiyi “Qəhrəmanın ölümü” adlı şeiri kitabxananın əməkdaşı tərəfindən səsləndirilib.
Cəfər Cabbarlının 125 illik yubileyi qeyd olunub
Cenevrədə keçiriləcək “Türk həftəsi”ndə türkdilli dövlətlərin mədəni irsi tanıdılacaq
Rus evində “Bakı. Sevgi. Bahar.” festivalı keçirilir
Venesiya Biennalesində Azərbaycan pavilyonunun açılışı olub VİDEO
Xalq rəssamı Aydın Rəcəbovun 80 illik yubileyinə həsr olunmuş “Bir ömrün naxışları” sərgisi açılıb