Yardımlı, 22 oktyabr, Bağır Əliyev, AZƏRTAC

Oktyabrın 1-nə Yardımlı rayonunda 28837 baş iribuynuzlu mal-qara mövcud olub. Onlardan 14753 başı inək və camışdır. Davarların sayı isə 87552 başdır.
Bu barədə Yardımlı Rayon Statistika İdarəsindən AZƏRTAC-ın bölgə müxbirinə məlumat verilib.
Bildirilib ki, ötən ilin müvafiq dövrü ilə müqayisədə rayonda mal-qaranın sayı 69 baş, o cümlədən inək və camışın sayı 124 baş artıb.
Rayonun heyvandarlıqla məşğul olan təsərrüfatlarında bu dövrdə 24369 sentner ət, 182467 sentner süd, 10350 min ədəd yumurta, 1591 sentner yun istehsal edilib.