ABŞ-ın texnologiya şirkəti ölkə tarixinin ən böyük vergi fırıldağında ittiham olunur
Bakı, 22 oktyabr, AZƏRTAC
ABŞ-ın Ədliyyə Nazirliyinin açıqlamasında baş ofisi Ohayo ştatında yerləşən “Reynolds & Reynolds” şirkətinin rəhbəri Brokmana qarşı vergi yayındırma, bank fırıldaqçılığı və çirkli pulların yuyulması kimi iddialar irəli sürüldüyü bildirilib.
AZƏRTAC xarici saytlara istinadla bildirir ki, San-Fransisko federal məhkəməsinin apardığı təhqiqatda Brokmanın 20 ildən artıq müddətdə Bermud və Nevis adalarındakı ofşor şirkətlərdən istifadə edərək özəl sərmayə fondlarına qoyduğu sərmayədən əldə etdiyi gəlirdən ödəməli olduğu təxminən 2 milyard dollar həcmində vergini dövlət büdcəsindən yayındırdığı iddia olunur.
Kaliforniya Şimal Regionu məhkəməsinin vəkili Deyvid Anderson mövzu ilə bağlı açıqlamasında deyib: “2 milyard vergidən yayınma iddiası ABŞ-da bu günə qədər bir adama qarşı yönəldilmiş ən böyük vergi cinayətidir”.
“Reynolds & Reynolds” avtomobil sektoru üçün proqram təminatı istehsalı ilə məşğul olan transmilli texnologiya şirkətidir.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır