×
A
A
A
Sazlamalar

Nepalda koronavirusa yoluxma və ölüm sayında yeni antirekord qeydə alınıb

Pekin, 21 oktyabr, AZƏRTAC

Nepalda COVID-19 yayılmağa başlayandan bəri sutkalıq ən çox yoluxma və ölüm faktı ötən gün qeydə alınıb.
AZƏRTAC pandemiyanın statistikasını aparan “Worldometers” saytına istinadla xəbər verir ki, ötən sutka Nepalda 5743 yoluxma və 26 ölüm baş verib. Bununla virusa yoluxanların ümumi sayı 144 min 872 nəfərə, ölüm sayı isə 791-ə çatıb.
Qeyd edək ki, Nepalda pandemiyanın ilk vaxtlarında çox az sayda yoluxmalar olurdu. Amma iyulun son günlərindən başlayaraq yoluxma sayında davamlı artım müşahidə edilir. Əhalinin sıx yaşadığı ərazilərdə, o cümlədən paytaxt Katmanduda, Pokhara şəhərində və ölkənin cənubundakı yaşayış məntəqələrində yoluxma sayı sürətlə artır.

 

Şahin Cəfərov

AZƏRTAC-ın xüsusi müxbiri
Pekin

Dünya 2020-10-21 17:06:00