Ermənistanın Gəncəyə raket hücumları nəticəsində həlak olanların xatirəsi Çində də anılır
Pekin, 20 oktyabr, AZƏRTAC
Azərbaycanın Çin Xalq Respublikasındakı səfirliyinin binası önündə Ermənistan silahlı qüvvələrinin oktyabrın 17-də Gəncəyə raket hücumunun nəticələrini əks etdirən şəkillərdən ibarət xatirə guşəsi yaradılıb.
AZƏRTAC xəbər verir ki, bu ölkədə yaşayan vətəndaşlarımız, eləcə də yerli sakinlər səfirliyin binası qarşısına gələrək, guşənin önünə gül dəstələri və şamlar düzür, ölənlərin xatirəsinə dərin ehtiramlarını bildirərək, xalqımızla həmrəylik nümayiş etdirirlər.
Xatırladaq ki, Ermənistan silahlı qüvvələrinin oktyabrın 17-də gecə saat 1 radələrində cəbhə zonasından kənarda yerləşən Gəncənin mərkəzi hissəsini raket atəşinə tutması nəticəsində 13 nəfər həlak olub, onlarca mülki şəxs yaralanıb, çoxlu sayda mülki infrastruktur obyektinə və nəqliyyat vasitəsinə külli miqdarda ziyan dəyib.
Şahin Cəfərov
AZƏRTAC-ın xüsusi müxbiri
Pekin
Bakıda Qafqaz Albaniyası mövzusuna həsr olunmuş XI beynəlxalq elmi konfrans başa çatıb
FHN: “Taxta bazarı” adlanan ərazidə baş vermiş yanğın söndürülüb VİDEO
“Taxta bazarı” adlanan ərazidə baş vermiş yanğın məhdudlaşdırılıb VİDEO
“Taxta bazarı”ndakı yanğının söndürülməsinə 15 texnika və 70 nəfər cəlb olunub