“Elmi əsərlər” jurnalının ictimai və humanitar elmlər seriyası çap olunub
Naxçıvan, 19 oktyabr, AZƏRTAC
AMEA-nın Naxçıvan Bölməsinin “Elmi əsərlər” jurnalının ictimai və humanitar elmlər seriyası işıq üzü görüb.
Bölmənin mətbuat xidmətindən AZƏRTAC-ın Naxçıvan bürosuna bildirilib ki, yeni nömrədə Naxçıvan Bölməsi, AMEA-nın Tarix, Dilçilik institutları, Bakı Dövlət Universiteti və digər elm və təhsil müəssisələrində çalışan əməkdaşların müxtəlif səpkili mövzularda apardıqları tədqiqatların nəticələri əksini tapıb.
Jurnalda “Ermənistan dövləti tarixi Azərbaycan torpaqlarında yaradılıb”, “Qadınların Yeni Azərbaycan Partiyasının sıralarında ictimai-siyasi fəaliyyəti”, “Naxçıvantəpə yaşayış yerində 2019-cu ilin arxeoloji tədqiqatları”, “Tarixən türk dövlət və cəmiyyətlərində dil siyasəti: Osmanlı imperiyasında dil islahatları”, “Kitabi-Dədə Qorqud” dastanı və Babək rayonundakı ortaq toponimlərin leksik-semantik xüsusiyyətləri”, “Naxçıvan ədəbi mühiti: Nağı Nağıyev”, “Azərbaycan mətbuatı repressiya illərində (“Kommunist” qəzetinin materialları əsasında)”, “Naxçıvanın qədim xalq rəqslərindən olan yallı və halaylar”, “Elmin inkişafı innovasiya sahibkarlığının canlandırılması və sənaye məhəllələrinin yaradılmasının başlıca amilidir” və digər elmi məqalələr rus və ingilis dillərində xülasələrlə dərc olunub.
Qeyd edək ki, “Elmi əsərlər”in cari ilə olan sonuncu nömrəsi təbiət və texniki elmlər seriyasına həsr olunacaq.
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib
Qızılhacılı kəndinin sakinləri doğma yurdlarının qaytarılmasının sevincini yaşayırlar VİDEO
Şəkidə “Şahin” hərbi-idman oyununun zona birinciliyinin qalibi müəyyənləşib
Naxçıvanda 1969-1987-ci illərdə 21 iri sənaye müəssisəsi istifadəyə verilib