Türkiyə Prezidenti ilə Kanadanın Baş Naziri arasında telefon danışığı olub
İstanbul, 17 oktyabr, AZƏRTAC
Ermənistanın təxribatları nəticəsində Azərbaycan-Ermənistan sərhədində artan gərginlik səbəbindən Kanada istehsalı bəzi hərbi vasitələrin Türkiyəyə ixracının dayandırılması ikitərəfli əməkdaşlığa ziddir.
AZƏRTAC xəbər verir ki, bu fikirləri Türkiyə Prezidenti Rəcəb Tayyib Ərdoğan Kanadanın Baş Naziri Castin Trüdo ilə telefon danışığı zamanı səsləndirib.
Azərbaycanla Ermənistan arasındaki qarşıdurmanın əsas səbəbinin Azərbaycanın Dağlıq Qarabağ bölgəsinin artıq 30 ildir Ermənistanın işğalı altında tutulması olduğunu vurğulayan Türkiyə Prezidenti hazırda baş verən münaqişənin Azərbaycanın beynəlxalq platformada qəbul edilmiş sərhədləri daxilində meydana gəldiyini xatırladıb.
Danışıq əsnasında, həmçinin Türkiyə-Kanada əlaqələrinin inkişaf etdirilməsi, qarşılıqlı ticarət həcminin artırılması və müdafiə sənayesi sahəsində əməkdaşlığa dair problemlərin aradan qaldırılması ilə bağlı atılacaq addımlar müzakirə olunub.
Günel Məlikova
AZƏRTAC-ın xüsusi müxbiri
İstanbul
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır