Azərbaycan Dövlət
İnformasiya Agentliyi

A
A
A
Sazlamalar

Masallıda inşa edilən park-bulvar kompleksində Viləşçayın beton məcraya salınması işləri davam etdirilir

Masallı, 16 oktyabr, Bağır Əliyev, AZƏRTAC

Regionların sosial-iqtisadi inkişafına dair üçüncü Dövlət Proqramında müəyyən edilmiş tədbirlərə müvafiq olaraq Viləşçayın Masallı şəhəri ərazindən keçən hissəsində inşasına başlanılan park-bulvar kompleksinin tikintisi davam etdirilir.
Yeni istirahət mərkəzində bir sıra obyektlər, o cümlədən uşaq əyləncə mərkəzi, istirahət guşələri, mini-futbol və voleybol meydançaları tikilərək sakinlərin ixtiyarına veriləcək. Parkın bir hissəsində qədim Masallının tarixini əks etdirən guşə də olacaq.
Artıq layihədə nəzərdə tutulan tikinti işlərinin bir qismi başa çatdırılıb.
Viləş çayı yatağının sel və daşqın sularından mühafizəsini təmin etmək və respublika əhəmiyyətli Masallı-Yardımlı avtomobil yolunun üzərində yerləşən yeganə əsas körpünün beton bünövrəsinin zədələnməsinin qarşısının alınması məqsədilə çayın 591 poqonmetr hissəsi beton məcraya salınıb və bənd boyu hər iki tərəfdə drenaj şəbəkəsi çəkilib.
AZƏRTAC-ın bölgə müxbiri xəbər verir ki, hazırda park-bulvar kompleksinin ərazisində daha 159 poqonometr hissənin beton məcraya salınması işləri davam etdirilir. İndiyədək Viləşçayın həmin hissəsindən 110 poqonometrə qədər ərazidə iş başa çatdırılıb. Bundan sonra daha 49 poqonometrə qədər ərazidə çayın müəyyən hissəsinin beton məcraya salınması işləri görüləcək.
Qeyd edək ki, Prezident İlham Əliyev 2019-cu ilin sentyabrın 18-də Masallı rayonuna səfəri zamanı Viləşçayın yatağının şəhər ərazisindən keçən hissəsində inşa edilən park-bulvar kompleksi ilə tanış olub, tikinti-quraşdırma işlərinin tam başa çatdırılması məqsədilə müvafiq tapşırıqlarını vermişdi.

Regionlar 2020-10-16 18:34:00