Gürcüstanda koronavirusa yoluxanların sayı 14 minə yaxınlaşır
Tbilisi, 14 oktyabr, AZƏRTAC
Gürcüstanda koronavirusa yoluxanların və bu virusdan ölənlərin sayı yenə də artıb. Son sutka ərzində daha 680 nəfərə koronavirus diaqnozu qoyulub, 292 nəfər müalicə olunaraq sağalıb, 7 pasiyent isə vəfat edib.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.
Bildirilir ki, bununla da ölkədə COVID-19-a yoluxanların ümumi sayı 13 min 521-ə, sağalanların sayı 7 159-a, həyatını itirənlərin sayı isə 109-a çatıb.
Hazırda Gürcüstanda 5590 nəfər karantində, 836 nəfər isə stasionar nəzarətdə saxlanılır. Xüsusi otellərdə müalicə olunan asimptomatik xəstələrin sayı isə 1 393 təşkil edir.
Xətayi Əzizov
AZƏRTAC-ın xüsusi müxbiri
Tbilisi
“Bloomberg”: Almaniya yeni “Patriot” batareyaları almağı düşünür
Stoltenberq: NATO-nun müdafiə nazirləri Ukraynaya daha çox hərbi dəstək verməyə razılaşıblar
Gürcüstanda fəaliyyət göstərən QHT-lərin 90 faizi xaricdən maliyyələşir
İstanbulda torpaq sürüşməsi baş verib
Gürcüstan və AİB arasında əməkdaşlığın perspektivləri müzakirə edilib