Qazaxıstanda yenidən fövqəladə vəziyyət rejimi tətbiq oluna bilər
Nur-Sultan, 14 oktyabr, AZƏRTAC
Qazaxıstan hökuməti ölkədə yenidən fövqəladə vəziyyət rejiminin tətbiq edilməsinə qədər sərt karantin tədbirlərinin tətbiqinə hazırdır.
Ölkədə koronavirus infeksiyasına qarşı təhlükəsizlik tədbirlərinə əməl edilməsə fövqəladə vəziyyət rejimi yenidən tətbiq oluna bilər.
AZƏRTAC xəbər verir ki, bunu Qazaxıstanın səhiyyə naziri Aleksey Tsoy deyib. O, bildirib ki, sanitar–epidemioloji qaydalara əməl olunmaması və COVID-19 infeksiyasına yoluxmaların artımı növbəti lokdauna gətirib çıxaracaq.
Nazirin sözlərinə görə, hər şey epidemioloji vəziyyətdən asılı olacaq.
Qeyd edək ki, Qazaxıstan yerli koronavirus peyvəndinin klinik sınaqlarını davam etdirir və üçüncü mərhələni 2021-ci ildə başa çatdırmağı planlaşdırır.
İlahə Əhmədova
AZƏRTAC-ın xüsusi müxbiri
Nur-Sultan
Almaniyada kimlər daha çox pensiya alır?
Pasxa ərəfəsində Fransada təhlükəsizlik tədbirləri gücləndirilir
İsveçrənin hidrogen qatarı rekord vurub
Bu ilin fevralında Türkiyənin ticarət balansının kəsiri azalıb